José Manuel Baltar Blanco

Dende a Presidencia desta Deputación Provincial considérase a Transparencia como un eixo prioritario da súa actuación, coa principal finalidade de favorecer unha xestión pública eficaz e mellorar as relacións coa cidadanía.

O presidente actualmente non recibe ningún pago en especie e se acolle ao seguro de asistencia sanitaria para o persoal e cargos representativos da Deputación Provincial de Ourense como beneficios sociais.

Os regalos que recibe o presidente son simplemente representativos do cargo, como placas institucionais e, en todo caso, deposítanse no despacho da Presidencia que eventualmente ocupa na sede da Deputación Provincial de Ourense, en cumprimento do Código ético da institución.

En canto ás indemnizacións percibidas con ocasión do abandono dos cargos, pódese constatar a ausencia delas na Deputación Provincial de Ourense consultando las indemnizacións por cesamento.

Os recursos públicos empregados polo presidente para o desenvolvemento da súa actividade redúcense a: vehículo oficial con chofer para traslados, teléfono móbil corporativo e a percepción de axudas de custo e indemnizacións por desprazamentos.

En relación á asistencia do presidente a sesións plenarias, comisións e xuntas de goberno, pódese consultar no canal de vídeo e actas de xuntas de goberno.

Anualmente, o presidente rende contas en comparecencia pública sobre o máis destacado das actuacións do seu equipo de goberno, cumprindo así os compromisos adquiridos no seu programa electoral. Pode accederse ao debate do estado da provincia na canle de vídeo.

Como información sobre as dotacións e achegas que o presidente realiza ao seu partido ou a organizacións afíns a este, inclúense os correspondentes certificados.

Respecto aos contratos dos recursos utilizados para o desenvolvemento da actividade do presidente, pódense consultar a través da Plataforma de Contratación del Sector Público.